Mingəçevir Turizm Kollecində yaz imtahan sessiyasının yekunlarına dair görüş keçirilib

Mingəçevir Turizm Kollecinin direktoru Kamal Əhmədovun rəhbərliyi ilə 2025/2026-cı tədris ilinin payız və yaz imtahan sessiyalarının, eləcə də tələbələrin təcrübə müdafiəsinin başa çatması ilə bağlı pedaqoji heyət və imtahan qərargahının üzvləri ilə hesabat xarakterli görüş keçirilmişdir. İclasda tədris ili ərzində qarşıya çıxan məsələlər və onların operativ həlli yolları ətraflı müzakirə olunmuş, tədrisin keyfiyyətinin daha da artırılması istiqamətində pedaqoji heyətin rəy və təklifləri dinlənilmişdir.