Mingəçevir Turizm Kollecində 2026–2027-ci tədris ili üçün əlavə təhsilin təkrar orta ixtisas təhsili istiqaməti üzrə tələbə qəbulunun müsahibə mərhələsi uğurla həyata keçirilib.

Komissiya üzvləri tərəfindən hər bir namizədin bilik səviyyəsi, peşə maraqları və gələcək planları diqqətlə dinlənilib. Namizədlər özlərini uğurla təqdim edərək seçdikləri ixtisaslar üzrə vizyon və hədəflərini bölüşüblər.

Kollecin təhsil strategiyasında mühüm yer tutan təkrar orta ixtisas təhsili təşəbbüskar gənclərin əmək bazarına dəyərli töhfələr verməsinə geniş imkanlar açır. Bu proses həm də gənclərin müasir iş dünyasının tələblərinə uyğun formalaşmasında mühüm platforma rolunu oynayır.

Gələcəyin peşəkarlarına addımladıqları bu yolda uğurlar arzulayırıq!