Ümummilli Lider Heydər Əliyevin anadan olmasının 100 illik yubileyinə həsr edilmiş “Sən elə bir zirvəsən” adlı Respublika ifa müsabiqəsinin l mərhələsi olan daxili  seçim mərhələsindən keçən tələbələrimiz ll mərhələ olan zona mərhələsində Mingəçevir Turizm Kollecini Gəncə şəhərində uğurla təmsil ediblər. Belə ki, kollecin tələbəsi Məmmədov Həsən xalq mahnıları nominasiyası üzrə “Qarabağ” mahnısını,  şer nominasiyası üzrə kollecimizin tələbəsi Əliyeva Nurcan “Azərbaycan” şerini səsləndirərək ən yüksək nəticələri göstəriblər və kollec tələbələri arasında l yeri tutublar. Müsabiqədə iştirak  edən digər tələbələrimiz İsayev Toğrul və Xəlilova Gülnar rəqs nominasiyası üzrə “Naz eləmə” rəqsini  üzrə kollec tələbələri arasında ll yerə,  Azərbaycan bəstəkarlarının estrada mahnılarının nominasiyası üzrə iştirak edən kollec tələbələri Rüstəmli Elmir kollec tələbələri arasında Ill yerə laiq görülüblər.

Son olaraq tələbələrdən l yerə laiq görülənlər Əliyeva Nurcan və Məmmədov Həsən müsabiqənin Bakı şəhərində keçirilən final mərhələsinə vəsiqə qazanıblar.

Qeyd edək ki, ümumilikdə müsabiqədə regionda fəaliyyət göstərən 30-a yaxın peşə və orta təhsil müəssisəsinin tələbələri iştirak edib.

Mingəçevir Turizm Kollecinin direktoru Kamal Əhmədov tələbələri müsabiqədə qazandıqları uğur münasibətilə təbrik edib, müsabiqənin onların gələcək inkişafında önəminivurğulayıb.