Mingəçevir Turizm Kollecində yeni tədris ilinin başlanması münasibətilə ümumi orta və tam orta təhsil bazasından yeni qəbul olunmuş tələbələr üçün “Orientasiya günü” keçirilib. Orientasiya planına uyğun olaraq tələbələrin tədrisin təşkili qaydaları ilə yaxından tanış olması üçün akademik məsləhətçilər və qrup rəhbərləri tərəfindən təqdimatlar keçirilib.

Təqdimat prosesində tələbələrə kollecin missiyası, mövcud ixtisaslar, kollecin daxili intizam qaydaları, tələbələrin hüquqları, vəzifə və öhdəlikləri, tam orta təhsil bazasından qəbul olan tələbələr üçün kredit sistemi ilə tədrisin təşkili qaydaları, təhsil krediti, tələbənin biliyinin qiymətləndirmə sistemi və təcrübənin təşkili qaydaları, həmçinin ümumi orta təhsil bazasından qəbul olan tələbələr üçün summativ qiymətləndirmə və buraxılış fənnləri üzrə imtahanlarının keçirilməsi qaydaları haqqında geniş və ətraflı məlumatlar verilib. Tələbələrin sualları cavablandırıb.

Kollecin direktoru Kamal Əhmədov tələbələri təbrik edib və tədris prosesində uğurlar arzulayıb.