Mingəçevir Turizm Kollecində tələbələrin bilik və bacarıqlarının inkişaf etdirilməsi istiqamətində növbəti ustad dərsi Mingəçevir şəhərində fəaliyyət göstərən “River Side ” otelində təşkil olunub. Ustad dərsdə otelin direktoru Elşən Muradov tələbələrə Qonaqpərvərlik və istirahətdə xidmətin təşkilində yerləşmə müəssisələrinin rolu haqqında geniş və ətraflı məlumat verib. Dərs zamanı yerləşmə müəssisələrinin turistlərə göstərdiyi xidmətlər, yerləşmə müəssisələrinin təsnifatı, yerləşmə müəssisələrində xidmətlərin təşkili qaydası, qonaqların qarşılanması və nömrələrə yerləşdirilməsi haqqında məlumatlar tələbələrə həm praktiki həm də nəzəri formada çatdırılıb. Tələbələrin aktiv iştirakı ilə keçən ustad dərs maraqla qarşılanıb.