Mingəçevir Turizm Kollecində “Korrupsiyaya qarşı mübarizənin gücləndirilməsinə dair 2022 – 2026-cı illər üçün Milli Fəaliyyət Planı” na uyğun olaraq maarifləndirici tədbir keçirilib. Tədbirdə çıxış edən kollecin Baş hüquqşünası Anar Yusifov bildirib ki, korrupsiya – dövlətin hər hansı qurumunda çalışan və ona etibar edilərək verilmiş səlahiyyətlərdən şəxsi mənfəəti üçün istifadə etmə hallardır. Korrupsiyaya qarşı mübarizə Azərbaycan dövlətinin prioritet vəzifələrindəndir. Hüquqa və sosial ədalətə söykənən sivil vətəndaş cəmiyyəti və demokratik dövlət quruculuğu xəttini son illərdə tamamilə yeni müstəvidə uğurla davam etdirən Azərbaycan Respublikası Prezidenti cənab İlham Əliyevin rəhbərliyi altında ölkəmizdə korrupsiyaya qarşı mübarizə tədbirlərinin miqyası daha da genişlənmişdir.

Mövzu ətrafında çıxışları davam etdirən kollecin Həmkarlar İttifaqı Komitəsinin sədri Canpolad Həmidov dövlət başçısının öz siyasi iradəsini ortaya qoyması nəticəsində mahiyyəti qabaqlayıcı və inzibati tədbirlərin birgə həyata keçirilməsi olan, eyni zamanda korrupsiya ilə səmərəli mübarizə aparmağa imkan verən tədbirlər haqqında geniş və ətraflı məlumat verib.

Tədbir qarşılıqlı müzakirələr fonunda davam edib.