“20 Yanvar faciəsinin otuz dördüncü ildönümü ilə bağlı tədbirlər planı” çərçivəsində Mingəçevir Turizm Kollecində 20 Yanvar həqiqətlərinin gələcək nəsillərə olduğu kimi çatdırılması, tariximizin faciə və qəhrəmanlığı ehtiva edən unikal səhifəsinin tələbələrə öyrədilməsi məqsədilə xüsusi dərslər keçirilib . Dərslərdə xalqımızın qəhrəmanlıq dastanı olan 20 Yanvar hadisələrini əks etdirən videoçarx nümayiş etdirilib.

Tədbirlər planına uyğun olaraq 19 Yanvar 2024-cü il tarixdə dəyirmi masa təşkil edilib. Dəyirmi masanı giriş sözü ilə Kollecin direktoru Kamal Əhmədov açıb və şəhidlərimizin ruhu bir dəqiqəlik sükutla yad edilib. Kamal Əhmədov çıxışında 20 Yanvar hadisələrinin Azərbaycan xalqının azadlıq uğrunda mübarizə əzminin, yenilməz iradəsinin göstəricisi olduğunu qeyd edib və 20 Yanvar hadisələrinin əsl siyasi qiymətini almasında və bu faciənin dünyaya çatdırılmasında Ümummilli lider Heydər Əliyevin əvəzsiz xidmətlərini xüsusi vurğulayıb. Dəyirmi masa qarşılıqlı müzakirələr fonunda davam edib.