11 Yanvar 2024-cü il tarixdə Mingəçevir Turizm Kollecinin tələbələrinə dəm qazı təhlükəsi, onun qarşısının alınması və təhlükəsizlik tədbirlərinin təbliği məqsədilə təlim keçirilib. Təlimdə tələbələrə dəm qazı təhlükəsinin yaranmasının əsas səbəbləri və dəm qazından zəhərlənmiş insanlara göstərilən ilkin tibbi yardım qaydaları barədə geniş məlumatlar verilib.

Kollecin mülki müdafiə qərargahının rəisi Ağa Alıyev çıxışı zamanı havaların soyuması və qış mövsümünün başlanması ilə əlaqədar əhalinin təbii qaza olan tələbatının artması fonunda qaz cihazlarından istifadə zamanı təhlükəsizlik qaydalarının pozulması ilə əlaqədar meydana gələ biləcək təhlükələrdən danışıb.

Daha sonra kollecin tibb işçisi Nazim Allahverdiyev dəm qazından zəhərlənmiş şəxslərə ilkin tibbi müdaxilə məqsədilə görüləcək tədbirləri auditoriyanın nəzərinə çatdırıb.