16.04.2025-ci il tarixdə Dini Qurumlarla İs üzrə Dövlət Komitəsinin (DQİDK) Yevlax regional bölməsi və Mingəçevir Turizm Kollecinin birgə təşkilatçılığı ilə “Reproduktiv hüquqlar haqqında biliklərin vacibliyi: sağlam və şüurlu ailə mövzusunda seminar keçirilib.

Tədbirdə DQİDK-nın Yevlax regional bölməsinin əməkdaşı Əlisa Fərəcov, Mingəçevir Turizm Kollecinin direktor müavini Aynurə Abbasova, Mingəçevir Tibb Kollecinin müəllimi-ekspert Səbinə Abbasova, eləcə də kollecin tələbə kollektivi iştirak ediblər.

Tədbiri giriş sözü ilə açan kollecin direktor müavini Aynurə Abbasova kollecdə tədris prosesində gənclərin reproduktiv sağlamlıq davranışlarına və onlarda sağlam həyat tərzi vərdişlərinin formalaşdırılmasına böyük diqqət göstərildiyini və bu istiqamətdə mütəmadi maarifləndirmə tədbirlərinin keçirildiyini qeyd edib.

Tədbirdə çıxış edən digər natiqlər mövzunun əhəmiyyətindən bəhs edib, yeniyetmə və gənclərin sağlam nəsil kimi yetişməsinin dövlət siyasətinin prioritet istiqamətlərindən olduğunu vurğulayıblar. Həmçinin, uşaq və gənclərin sağlamlığının qorunması, reproduktiv sağlamlıq hüquqlarının təmin olunması istiqamətində dövlət proqramları, həyata keçirilən tədbirlər barədə də məlumat veriblər.

Seminar diskussiya formasında davam etdirilib, iştirakçıları maraqlandıran suallar cavablandırılıb