Türkiyənin Antalya şəhərində Dövlət Turizm Agentliyi ilə Türk Əməkdaşlıq və Koordinasiya Agentliyinin (TİKA) əməkdaşlığı çərçivəsində təşkil olunan, Martın 14-dən 25-dək davam edən “Hotel və səyahət xidmətləri sahəsi – yemək və içki sahəsində təlimçilər üçün təlim” praktiki proqram çərçivəsində Novruz Bayramı münasibətilə bayram şənliyi təşkil olunub. Novruz bayramı ilə bağlı ölkəmizdəki adət və ənənələri təcəssüm etdirən proqram maraqla qarşılanıb, təlimçilər tərəfindən iştirakçılara Azərbaycanın milli mətbəxi və mədəniyyəti barədə ətraflı məlumat verilib.

Təşkil olunmuş proqramda Mingəçevir Turizm Kollecinin nümayəndələri aktiv iştirak edib. Xalqımızın mədəni irsinin, o cümlədən milli adət-ənənələrinin təbliğini özündə əks etdirən proqramda Falez Mesleki ve Teknik Anadolunun rəhbəri və müəllim-tələbə heyəti, TİKA-nın nümayəndələri, təlimdə iştirak edən təlimçilərin və digər müəssisələrin nümayəndələri də iştirak edib.