Mingəçevir Turizm Kollecində tələbələrin mülki müdafiə sahəsində maarifləndirilməsi məqsədilə görüş təşkil olunub. Görüşdə kollecin Mülki Müdafiə qərargahının rəisi Ağa Alıyev “Radioaktiv çirklənmə zamanı davranış qaydaları” mövzusunda ətraflı məlumat verib.

Görüşün əsas məqsədi tələbələrə fövqəladə hallarda, xüsusilə kimyəvi və radiasiya təhlükəsi zamanı necə davranmalı olduqları, ilkin təhlükəsizlik tədbirləri və fərdi mühafizə vasitələrindən istifadə qaydaları barədə praktiki biliklər vermək olub.