Mingəçevir Turizm Kollecində “İnsan Hüquqları Aylığı” çərçivəsində 05 iyun 2026-cı il tarixində “İnsan Hüquqları və Azadlıqları” mövzusunda tələbələrin iştirakı ilə dəyirmi masa keçirilib.

Dəyirmi masanı giriş sözü ilə açan kollecin hüquqşünası Günel Musayeva insan hüquq və azadlıqlarının mahiyyəti, onların qorunmasının hüquqi əsasları və hüquqi maarifləndirmənin əhəmiyyəti barədə məlumat verib.

Daha sonra Mingəçevir Şəhər Vəkillər Bürosunun vəkili, Mingəçevir Dövlət Universitetinin və Mingəçevir Turizm Kollecinin hüquq müəllimi Hüseyn Əsgərov çıxış edərək insan hüquqlarının müdafiəsi sahəsində qanunvericilik və hüquqi dövlət quruculuğunda insan hüquqlarının rolu barədə fikirlərini bölüşüb.

Çıxışlar zamanı Tələbə Gənclər Təşkilatının sədri Elton Əliyev insan hüquqlarının qorunmasının vacibliyindən bəhs edib. Sonda mövzuya uyğun videoçarx nümayiş etdirilib və tələbələrlə fikir mübadiləsi aparılıb.