Mingəçevir Turizm Kollecində dərslərin əyaniliyinin təmin olunması məqsədilə kollecin “Turizm bələdçiliyi” ixtisası üzrə tələbələri və tarix fənn müəllimi Eldar Dərişov Oğuz və Şəki rayonlarında yerləşən bir neçə mədəni – tarixi abidələrə ekskursiya ediblər . Ekskursiya Mingəçevir şəhər Şəhidlər xiyabanına ziyarətlə başlanıb. Daha sonra müəllim və tələbələr Oğuz rayonu Calut kəndində yerləşən eramızın V-VI əsrlərinə aid olan Alban monastrında, Oğuz rayonunda yerləşən IX-XII əsrlərə aid olan Muxas qülləsində, Muxas qalasından təqribən 4 kilometr məsafədə yerləşən yerli xalq arasında Ulu çay adlandırılan Daşağıl çayının kənarında yerləşən Uğan mağarasında olub, tarixi abidələr haqqında ətraflı məlumatlar alıblar. Ekskursiya Şəki şəhərində yerləşən Şəki xan saray kompleksinə və Karvansaraya səyahətlə başa çatıb.