Mingəçevir Turizm Kollecinin rəhbərlik və inzibati heyəti Şəki Regional mədəniyyət İdarəsi, Şəki “Bio Garden” Aqro Ekoturizm məkanı, Şəki Xan sarayında və İsmayıllı “Basqal” Dövlət Tarix-Mədəniyyət Qoruğuna  səfər çərçivəsində bir sıra mühüm görüşlər keçirib. Görüşdə tələbələrimizin gələcəkdə istehsalat təcrübəsi üzrə müxtəlif proqramlarda iştirakı, tələbə və məzunlar üçün iş imkanlarının yaradılması, ictimai əhəmiyyət kəsb edən təşəbbüslərin dəstəklənməsi və birgə fəaliyyətin təfərrüatları haqda fikir mübadiləsi aparılıb.

 Kamal Əhmədov kollecdə yaradılan müasir şəraitdən geniş söhbət açıb. O rəhbərliyində çalışdığı Turizm Kollecinin gələcəkdə də turizm müəssisələri ilə əməkdaşlıq etməkdə maraqlı olduğunu dilə gətirib. Bu müəssisələrin rəhbərlikləri orta ixtisas təhsili və Azərbaycanda fəaliyyət göstərən digər tipli təhsil müəssisələrinin arasında əlaqələrin qurulması üçün əllərindən gələni etməyə hazır olduqlarını bəyan ediblər.

Həmçinin Mingəçevir Turizm Kolleci publik hüquqi şəxsi ilə İsmayıllı Dövlət Peşə Təhsil Mərkəzi  arasında birgə əməkdaşlığa dair anlaşma memorandumu imzalanıb. Memorandum müvafiq olaraq Mingəçevir Turizm Kollecinin direktoru Kamal Əhmədov və İsmayıllı Dövlət Peşə  Mərkəzinin direktoru Cəlil Bağırov tərəfindən imzalanıb.

#mingəçevirturizmkolleci #azərbaycanturizmagentliyi #mtk #tələbə #karyera #memorandum #gəncə #əməkdaşlıq