Azərbaycan Respublikası Prezidenti cənab İlham Əliyevin 26 dekabr 2023 – cü il tarixli sərəncamı ilə 2024 – cü il Azərbaycan Respublikasında “Yaşıl dünya naminə həmrəylik ili ” elan olunub. Cənab Prezidentin sərəncamına uyğun olaraq Mingəçevir Turizm Kollecində “Yaşıl dünya naminə həmrəylik ili ilə əlaqədar tədbirlər planı ” hazırlanıb. Tədbirlər Planı çərçivəsində müəllim və tələbələrdən ibarət 60 nəfərlik heyətlə Mingəçevir su anbarının sahilinə ekotur təşkil edilib. Ekoturda tələbələr “Yaşıl dünya naminə həmrəylik” mövzusunda maarifləndirilib. Ətraf mühitin çirklənməsi və zibillənməsinin qarşısının alınması ilə bağlı söhbət aparılıb. Müəllim və tələbələr tərəfindən su anbarının ətrafı məişət və digər növ tullantılardan təmizlənib, toplanmış tullantılar ərazidən kənarlaşdırılıb.