Mingəçevir Turizm Kollecinin direktoru  Kamal Əhmədov və Karyera kommunikasiya şöbəsinin əməkdaşları Astarada Elm və Təhsil Nazirliyi, Astara Rayon İcra Hakimiyyəti, Lənkəran-Astara Regional Təhsil İdarəsi, Lənkəran Regional Mədəniyyət İdarəsi, Lənkəran Dövlət Peşə Təhsil Mərkəzinin təşkilatçılığı ilə Ulu Öndər Heydər Əliyevin 100 illik yubileyinə həsr olunmuş “Təhsil festivalı” –nda kolleci təmsil ediblər.

  Festivalda Mingəçevir Turizm Kolleci son illərdə qazandığı təhsil , idman, intellektual və digər nailiyyətlərindən ibarət sərgi ilə təmsil olunub. MTK-nin stendində kollecin sertifikatları , tələbələrimizin uğurları, idman formaları və kubokları nümayiş etdirilib.

  Sərgidə MTK-nin stendi böyük maraqla qarşılanıb, müraciət edən vətəndaşlara kollecin ixtisasları, binası, strukturu, missiyası, tələbələrin asudə vaxtlarının səmərəli təşkili və eyni zamanda təhsilimizin üstünlükləri barəsində geniş məlumat verilib, təklifləri dinlənilib və sualları dolğun şəkildə cavablandırılıb. Eyni zamanda buklet və digər çap materialları təqdim olunub.