Mingəçevir Turizm Kollecində “Mingəçevir şəhərinin 75 illiyi” ilə bağlı tədbirlər planına uyğun olaraq şəhər ağsaqqalları ilə görüş və Azərbaycan Respublikasının əməkdar müəllimi, dosent Mayıl İsmayılovun Mingəçevir şəhərinin 75 illiyinə həsr olunmuş “Mingəçevir Odisseyası” adlı kitabının təqdimatı keçirilib. Tədbiri giriş sözü ilə açan Mingəçevir Turizm Kollecinin direktoru Kamal Əhmədov şəhər ağsaqqalları ilə keçirilən bu növ görüşlərin əhəmiyyətindən danışıb. Zəngin həyat və iş təcrübəsi olan insanlarla fikir mübadiləsinin, onların məsləhət və təkliflərinin gələcək fəaliyyət prosesində müsbət təsirlərini xüsusi vurğulayıb . Daha sonra əməkdar müəllim Mayıl İsmayılov “Mingəçevir Odisseyası” kitabında Mingəçevirin keçdiyi inkişaf yolu, şəhərin qurulması və tərəqqisində əməyi olan insanlar, Azərbaycanın suverenliyi və bütövlüyü uğrunda canlarından keçən və şəhidlik zirvəsinə ucalan qəhrəman oğullar haqqında məlumatların, həmçinin bir çox tarixi faktların yer aldığını bildirib. Tədbir şəhər ağsaqqallarının kitab haqqında fikir mübadilələri ilə davam edib.