Mingəçevir Turizm Kollecində 4 aprel 2025-ci il tarixində “İcbari tibbi sığorta” mövzusunda maarifləndirici tədbir keçirilib. Tədbirdə İcbari Tibbi Sığorta üzrə Dövlət Agentliyinin Mingəçevir filialının rəhbəri Adil Həsənov icbari tibbi sığorta çərçivəsində tibbi xidmətlərdən istifadə qaydası, icbari tibbi sığorta haqları, Xidmətlər Zərfində təminat verilən tibbi xidmətlər, özəl tibb müəssisələrində icbari tibbi sığortadan istifadə qaydası haqqında geniş və ətraflı məlumat verib. Tədbirin sonunda iştirakçılarının sualları cavablandırılıb.