Mingəçevir Turizm Kollecində 25 Fevral 2025-ci il tarixində “Xocalı faciəsi” nin 33-cü ildönümünə həsr olunmuş görüş keçirilib. Görüşdə Azərbaycan Vətən Müharibəsi Veteranları İctimai Birliyinin nümayəndə heyəti, döyüş yolu keçmiş və əsirlikdə olan Xocalı şahidləri iştirak ediblər. Tədbirdə Qarabağ müharibəsində həlak olanların və “Xocalı faciəsi” qurbanlarının ruhu bir dəqiqəlik sükutla yad edilib, himn səsləndirilib, Xocalı gerçəklərini əks etdirən videoçarx nümayiş etdirilib. Tədbiri giriş sözü ilə açan kollecin direktoru Kamal Əhmədov “Xocalı faciəsi” nin azərbaycanlı əhaliyə qarşı qəsdən və bilərəkdən, məqsədli şəkildə törədilmiş soyqırımı cinayətlərinin ən dəhşətlisi olduğunu qeyd edib. Xocalı soyqırımının xalqımızın yaddaşında buraxdığı dərin izlər və misli görünməmiş qəddarlıqla törədilmiş bu qətliamın dünyada tanıdılması, Xocalı və xocalılılara qarşı ədalətin bərpa olunması istiqamətində Azərbaycan Respublikası Prezidenti cənab İlham Əliyevin həyata keçirdiyi tədbirlər haqqında məlumat verib.
Daha sonra görüş iştirakçıları öz xatirələrini bölüşüblər, tələbələrin sualları cavablandırılıb.