Mingəçevir Turizm Kollecində 21 aprel 2025- ci il tarixində “Mənim temperamentim”, “Xarakter və qabiliyyət” mövzusunda tələbələrlə qrup söhbəti aparılıb. Kollecin psixoloqu Tamara Uğurluyeva tələbələrə psixoloji xüsusiyyətlərini tanıması, empatiya və qarşılıqlı anlayış bacarıqlarını inkişaf etdirməsi istiqamətində məqsədyönlü fəaliyyət həyata keçirib. Tədbirdə iştirak edən tələbələrə temperamentin dörd əsas tipi izah olunub, sadə test vasitəsilə tələbələr temperamentlərini müəyyən edib və fikir mübadiləsi aparılıb. Xarakter və qabiliyyət anlayışları arasında fərqlər aydınlaşdırılıb, şəxsi güclü tərəflər paylaşılıb və “Özünü tanıyan, başqasını da anlaya bilər” ideyası müzakirə olunub. Söhbət tələbələrin özünüdərketmə və sosial bacarıqlarının inkişafına töhvə verib.