Mingəçevir Turizm Kolleci publik hüquqi şəxsin və Job İn Global şirkətinin birgə əməkdaşlığı çərçivəsində növbəti görüş keçirilib. Görüşdə kollec rəhbərliyi, Job İn Global MMC – nin qanuni təsisçisi Ceyhun Sabirli, Türkiyədə fəaliyyət göstərən Von Resort otellər qrupunun genel müdür yardımçısı Halil Aslan və Von Resort otellər qrupunun insan qaynaqları müdürü Aziz Şirin iştirak edib. Görüşdə davamlı əməkdaşlığın plan və perspektivləri, tələbələrin təcrübə müddətində peşə bacarıqlarının əldə edilməsi və təkmilləşdirilməsi, təhsil müəssisəsində qazanılmış biliklərin genişləndirilməsi və sistemləşdirilməsi, həmçinin bu biliklərin praktiki inkişafa yönəldilməsi müzakirə edilib.