Dekabrın 25-də Bakı – Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində çoxsaylı insan tələfatı ilə əlaqədar olaraq Azərbaycan Respublikası Prezidenti cənab İlham Əliyev 26 dekabr gününün Azərbaycanda matəm elan olunması haqqında sərəncam imzalayıb.

Mingəçevir Turizm Kollecində 26 dekabr tarixində bayraq endirilib, rəhbər və inzibati heyət, həmçinin sinif otaqlarında müəllim və tələbələr saat 12 : 00-da qəzada həlak olanların xatirəsini bir dəqiqəlik sükutla yad ediblər.

Mingəçevir Turizm Kollecinin kollektivi olaraq qəza nəticəsində həlak olanların ailələrinə və yaxınlarına dərin hüznlə başsağlığı verir, yaralananlara Allahdan şəfa diləyirik.