26 iyun – Azərbaycan Respublikası Silahlı Qüvvələr Günü münasibətilə tədbir keçirilib!
24 iyun 2022-ci il tarixində N saylı Hərbi Hissədə “26 iyun-Silahlı Qüvvələr Günü” münasibətilə konsert proqramı təşkil olunub. Tədbir Mingəçevir Turizm Kolleci, Mingəçevir Regional ASAN Xidmət Mərkəzi, “İşıqlı Gələcək” Gənclər İctimai Birliyi və Mingəçevir Gənclər Evinin birgə təşkilatçılığı ilə həyata keçirilib. Azərbaycan Respublikasının Dövlət Himinin səsləndirilməsi ilə başlayan tədbirdə N saylı Hərbi Hissənin əsgər və zabit heyəti, tədbirin təşkilatçıları və şəhid ailələri iştirak edib. Bir-birindən maraqlı ifa və rəqsləri ilə hərbçilərimizi təbrik edən gənclərimiz onlara çətin və şərəfli vəzifələrində uğurlar arzu ediblər.
Azərbaycan Ordusunun dünyanın ən güclü orduları sırasında yer alması və 44 günlük Vətən müharibəsində qazanılmış parlaq Qələbə barədə ətraflı söhbət aparılıb, tədbir konsert proqramı və yemək süfrəsi ilə davam edib.
Sonda fəaliyyəti dövründə fərqlənən zabitlər “Təşəkkürnamə” ilə təltif olunub və şəhid övladlarının tort kəsməsi ilə tədbir yekunlaşıb.