Mingəçevir Turizm Kolleci artıq yaz imtahan sessiyasına hazırdır!

Belə ki, kollecdə 21 may 2022-ci il tarixində növbəti tibbi-profilaktik və dezinfeksiya işləri aparılıb.

Azərbaycan Respublikası Səhiyyə Nazirliyi, Respublika Gigiyena və Epidemiologiya Mərkəzinin, Mingəçevir şəhər Dezinfeksiya stansiyası əməkdaşları tərəfindən həyata keçirilən dezinfeksiya işləri auditoriyaları, inzibati otaqları, dəhlizləri, həyətyanı əraziləri, kitabxananı və sanitar qovşaqları əhatə etmişdir.

Qeyd edək ki, Azərbaycan Respublikası Təhsil Nazirliyinin “İmtahan sessiyasının təşkili və keçirilməsi” barədə 19.05.2022-ci il tarixli əmrinə əsasən “İmtahanlar zamanı koronavirus infeksiyasının (COVİD-19) profilaktikasına dair metodiki göstərişlər’ə ciddi riayət olunur.

Həmçinin, cari tədris ilinin imtahan sessiyasının təşkili və keçirilməsi məqsədilə imtahan qərargahı yaradılmışdır. İmtahan sessiyasına hazırlıq dövrü və sessiya müddəti ərzində görüləcək işlər və imtahanların şəffaf keçirilməsi imtahan qərargahı tərəfindən təmin ediləcəkdir.