18 fevral 2026-cı il tarixində Mingəçevir Turizm Kollecində tələbələrlə “Konstitusiya və Suverenlik İli” çərçivəsində Azərbaycan Respublikasının Gənclər Fondunun 2025-ci il üzrə elan etdiyi qrant müsabiqəsinin qalibi olan sosial işçi və layihə rəhbəri Günel Baxışova tərəfindən Fondun maliyyə dəstəyi ilə həyata keçirilən “Qələbənin digər üzü – Şəhid ailələri” adlı layihə çərçivəsində görüş keçirilib. Layihənin əsas məqsədi şəhid ailələri ilə bağlı ictimai şüurun formalaşdırılması, gənclər arasında vətəndaş məsuliyyətinin və sosial empatiyanın gücləndirilməsi, eləcə də şəhid ailələrinə münasibətdə etik və sosial davranış modellərinin təşviq edilməsidir.

Görüş zamanı ilk olaraq şəhidlərimizin əziz xatirəsi bir dəqiqəlik sükutla yad edilib. Daha sonra ekspert Nuriyyə Abbasova tərəfindən “Şəhid ailələrinin hüquqları” və “Şəhid ailələrinə göstərilən sosial xidmətlər” mövzularında geniş müzakirələr aparılıb. Ardınca layihə koordinatoru, ixtisasca psixoloq Məhəbbət Əmralızadə tələbələrlə “Şəhid ailələri ilə düzgün davranış qaydaları” mövzusunda interaktiv müzakirə təşkil edərək peşəkar davranış modelləri barədə ətraflı məlumat verib. Sonda layihə rəhbəri Günel Baxışova tərəfindən iştirakçı tələbələrə sertifikatlar təqdim olunub.