14 Aprel 2022-ci il tarixində Mingəçevir Turizm Kollecində “Bədən dili və ünsiyyət bacarıqları” adlı təlim keçirilib. Təlim kollecin Mədəni – kütləvi tədbirlər üzrə təşkilatçısı Şahlar Mirzalıyev tərəfindən həyata keçirilib. Təlim zamanı təlimçi rəsmi-işgüzar ünsiyyət, elmi ünsiyyət, publisistik ünsiyyət və məişət ünsiyyəti haqqında tələbələrə ətraflı məlumat verib. Tədbirdə dövrümüzdə bədən dilinin kommunikasiya bacarıqlarımıza təsiri və ünsiyyətimizin əsas faktoru olduğu vurğulanıb.

Eyni zamanda təlimçi ünsiyyət zamanı xüsusi istifadə olunan bədən dilinin incəliklərindən, praktik keyslər üzərindən təlimdə bədən dili bacarıqları, danışıq zamanı insan fikirlərini analiz edə bilmək, nitq və jestlərdən istifadə edilməsi, əl jestləri, görüşmə zamanı əl sıxma, diplomatların etdiyi mükəmməl bədən dili hərəkətləri, gözlərlə jestlərin edilməsi kimi mövzularda tələbələr məlumatlandırılıb. Təlimin əsas məqsədi tələbələrə gündəlik olaraq məişət və rəsmi işgüzar həyatda ünsiyyət vasitələrindən düzgün istifadə etməyi aşılamaqdır.

Sonda iştirakçıların çoxsaylı sualları cavablandırılıb.