12 dekabr 2024-cü il tarixində Mingəçevir Turizm Kollecində Azərbaycanın dövlət müstəqilliyinin möhkəmlənməsində, ölkənin inkişafı və beynəlxalq arenada tanınmasında böyük xidmətlər göstərmiş Ümummilli lider Heydər Əliyevin vəfatının 21-ci ildönümü ilə əlaqədar “Xatirələrdə yaşayan Lider” adlı  anım tədbiri həyata keçirilib.

 İlk öncə Mingəçevir Turizm Kollecinin rəhbər və inzibati heyəti, müəllim və tələbələri müstəqil Azərbaycanın qurucusu, inkişafının memarı kimi tarixdə əbədi iz qoymuş Ulu Öndər Heydər Əliyevin abidəsini ziyarət edib və hörmət duruşu nümayiş etdirərək abidəsi önünə gül dəstələri qoyublar. Daha sonra Mingəçevir Turizm Kollecinin Tələbə Gənclər Təşkilatının üzvləri  tərəfindən “Xatirələrdə yaşayan Lider” adlı anım tədbiri həyata keçirilib.

Tədbirdə ilk öncə Ulu Öndər Heydər Əliyevin və Azərbaycan Respublikasının ərazi bütövlüyü uğrunda canlarını fəda etmiş şəhidlərimizin əziz ruhları bir dəqiqəlik sükutla yad edilib. Daha sonra Azərbaycan Respublikasının Dövlət Himni səslənib. Dövlət Himni səsləndirildikdən sonra Ulu Öndərlə bağlı videoçarx nümayiş etdirilib və tələbə tərəfindən şeir söylənilib.

Dəyirmi masa ətrafında həyat keçirilən tədbirdə Heydər Əliyevin mədəni-siyasi irsi ilə bağlı müzakirələr aparılıb.  Həmçinin  Mingəçevir Turizm Kollecinin tarix müəllimi Məleykə Vəliməmmədovanın və tələbələrin çıxışları gerçəkləşib.