Azərbaycan Respublikası Təhsil Nazirliyi və Gənclərin Respublika Bədii Yaradıcılıq Evinin birgə təşkilatçılığı ilə Azərbaycan Respublikasının regionlarında və Bakı şəhərində fəaliyyət göstərən orta ixtisas və peşə təhsili müəssisələrinin tələbələri arasında Ulu öndər Heydər Əliyevin 99-cu ildönümünə həsr olunmuş “Sən elə bir zirvəsən” adlı Respublika ifa müsabiqəsinin Bakı şəhəri Gənclərin Respublika Bədii Yaradıcılıq Evində keçirilən final mərhələsində Mingəçevir Turizm Kollecinin Tələbə Gənclər Təşkilatının aktiv üzvləri və III kurs tələbəsi Hidayətova Rəvanə Fuad qızı şeir nominasiyası üzrə iştirak edib, orta ixtisas və peşə təhsili müəssisələrini təmsil edən tələbələr arasında kollecin tələbəsi üçüncü yerə layiq görülüb. Qeyd edək ki, müsabiqənin əsas məqsədi ümummilli lider Heydər Əliyevin ölkəmizin müstəqilliyinin qorunub möhkəmləndirilməsində, demokratik hüquqi dövlətin qurulmasında misilsiz xidmətlərini gənclərə aşılamaq, gənclərin asudə vaxtlarını səmərəli təşkil etmək, istedadlı gəncləri üzə çıxarmaqdan ibarətdir

Mingəçevir Turizm Kollecinin direktoru Kamal Əhmədov Tələbə Gənclər Təşkilatının komandasının üzvlərinə qalibiyyətləri üçün təşəkkürlərini bildirib. O, tələbələrə şeir nominasiyası ilə yanaşı digər nominasiyalarda da uğur əldə etməklərini arzulayıb və asudə vaxtlarını səmərəli təşkil edilməsini daim dəstəklədiyini qeyd edib.