Mingəçevir Turizm Kollecində Azərbaycan Respublikası Gənclər Fondunun dəstəyi və Gənclər Təşkilatları Milli Şurası – NAYORA-nın təşkilatçılığı ilə 27 sentyabr Anım gününə həsr olunmuş görüş keçirilib.

“44 günlük vətən müharibəsi: Post-müharibə dövründə gənclər və gənclər təşkilatlarının əsas vəzifə və öhdəlikləri” mövzusunda keçirilən görüşün əsas məqsədi 27 sentyabr Anım günü ilə bağlı gənclərin məlumatlılığının artırılması və 44 günlük şanlı zəfərimizin gənclər arasında təbliğindən ibarət olub.

İştirakçıların diqqətinə” “Bugün İnformasiya müharibəsində sosial şəbəkə istifadəçiləri olaraq hər birimiz Azərbaycanın maraqlarını qorumağa xidmət etməliyik. Bununla bərabər öz kiber müdafiəmizə də diqqət yetirməli və ən vacib şəxsi məlumatlarımızın təhlükəsizliyini təmin etməliyik” fikirləri çatdırılıb.

Qeyd edək ki, görüşdə 100-dən artıq tələbə iştirak edib. Görüşün sonunda tələbələrin mövzu ilə əlaqəli sualları cavablandırılıb.

Mingəçevir Turizm Kolleci olaraq həm informasiya müharibəsi həm də cəbhədə qazandığımız qələbənin banisi olan şəhidlərimizə Allahdan rəhmət diləyirik.

Yaşasın müzəffər Azərbaycan Ordusu!