Mingəçevir Turizm Kollecinin tələbələrinin iştirakı ilə Ümummilli Lider Heydər Əliyevin vəfatının 22-ci ildönümünə həsr olunmuş anım günü ilə bağlı dəyirmi masa təşkil edilib. Tədbirdən əvvəl tələbələr Heydər Əliyev Mərkəzini ziyarət edərək Ulu Öndərin həyat yolu, dövlətçilik fəaliyyəti və yaradıcılığını əks etdirən eksponatlarla tanış olublar. Kollecdə davam edən tədbir əvvəlcə Ulu Öndər Heydər Əliyevin və Vətən uğrunda canından keçmiş şəhidlərin xatirəsinin bir dəqiqəlik sükutla yad edilməsi ilə başlayıb. Daha sonra Ümummilli Lider Heydər Əliyevin həyat və fəaliyyətini əks etdirən video-çarx nümayiş olunub. Tələbələr mövzu ətrafında ümumiləşdirilmiş elmi çıxışlar edərək Heydər Əliyevin müasir Azərbaycan dövlətçiliyinin formalaşmasında oynadığı tarixi rol və siyasi irsinin cəmiyyət üçün əhəmiyyətini vurğulayıblar.