Mingəçevir Turizm Kollecinin tələbələri Peşə və orta ixtisas təhsili müəssisələrinin tələbələri arasında müstəqil Azərbaycan dövlətinin qurucusu, Ümummilli lider Heydər Əliyevin anadan olmasının 101 illiyinə həsr olunmuş “Sən elə bir zirvəsən” respublika ifa müsabiqəsində iştirak edib. Mingəçevir Turizm Kolleci müsabiqədə iki nominasiyada – rəqs və şeir nominasiyasında təmsil olunub. Rəqs nominasiyasında təmsilçilərimiz Türkanə Həşimli və Toğrul Məmmədov “Nazeləmə” rəqsi ilə birinci yerə layiq görülərək 18 aprel 2024 – cü il tarixdə Bakı şəhərində keçiriləcək Respublika mərhələsinə vəsiqə qazanıb. Kolleci şeir nominasiyasında təmsil edən Elton Əliyev “Azərbaycan” şeiri ilə region mərhələsinin ikincisi olub.