Mingəçevir Turizm Kollecinin tələbələri Mərkəzi Aran Regional Gənclər və İdman İdarəsi və Mingəçevir Dövlət Universitetinin birgə təşkilatçılığı ilə “8 Noyabr – Zəfər Günü”nə həsr olunmuş ali, orta ixtisas, peşə məktəbləri və UGİŞM-in komandaları arasında keçirilən voleybol üzrə qızlar yarışında iştirak ediblər. Yarış 4 noyabr 2025-ci il tarixində Mingəçevir Dövlət Universitetinin idman zalında baş tutub. Kollecin komandası turnirdə yüksək nəticə göstərərək II yerin qalibi olublar. Mingəçevir Turizm Kollecinin kollektivi olaraq tələbələrimizi təbrik edir və onlara uğurlar arzu edirik.