Mingəçevir Turizm Kollecinin müəllim və tələbə heyəti Möhtərəm prezidentimiz cənab İlham Əliyevin prezidentlik dövrünün 20 illiyinə həsr olunmuş ağacəkmə aksiyasında və “Mingəçevir şəhərinin 75 illiyi” ilə bağlı tədbirlər planına müvafiq olaraq Mingəçevir şəhər İcra hakimiyyəti tərəfindən təşkil olunmuş ümumşəhər iməcliyində iştirak edib. İməclikdən əvvəl kollecin Turizm müəllimləri tələbələrlə ətraf mühitin mühafizəsi və çirklənmədən qorunması mövzusunda maarifləndirmə söhbətləri aparıb. Daha sonra kollec üçün ayrılmış ərazidə müəllim və tələbələr yaşıllıq zolaqlarına qulluq edib, ağacların dibləri bellənib. Payız mövsümü ilə əlaqədar yığılan xəzəllər və müxtəlif məişət tullantıları toplanaraq ərazidən uzaqlaşdırılıb.