Mingəçevir Turizm Kollecinin bir sıra əməkdaşı gələcəyin potensiallı tələbələri ilə görüş həyata keçirib.

2022-ci ilin 11-13 may tarixlərində Mingəçevir Turizm Kollecinin nümayəndələri tərəfindən şəhərin beş məktəbində şagirdlər üçün kollecin yeni ixtisasları haqqında tanıtım keçirilib. Proqrama uyğun olaraq, kollecin əməkdaşları Mingəçevir şəhər 14 saylı tam orta məktəbdə, 3 saylı tam orta məktəbdə, 17 saylı tam orta məktəbdə, 7 saylı tam orta məktəbdə və 8 saylı tam orta məktəbdə görüş həyata keçirib.

Görüşün məqsədi kollecin yeni ixtisasları, yeni binası, yeni strukturu, kollecin missiyası, məqsədi, vizionu, tələbələrin asudə vaxtlarının səmərəli təşkili haqqında geniş məlumat verməkdir. Görüşdə məktəblilərlə oyunlar oynanılıb, şagirdlərin təklifləri dinlənilib və sualları dolğun şəkildə cavablandırılıb.

Eyni zamanda, kollecin tərkibində yeni yaradılmış Tədrisdə Keyfiyyətin Təminatı şöbəsinin nümayəndələri görüşlərdə iştirak edib, şagirdlərin fikir və təkliflərinin ətraflı öyrənilməsi məqsədilə sorğular keçiriblər.

Tanıtımlar məktəblərin şagird və müəllim kollektivi tərəfindən böyük maraqla qarşılanıb. Məktəblilər faydalı və maraqlı təqdimata görə kollecin əməkdaşlarına təşəkkürlərini bildiriblər.