Mingəçevir Turizm Kollecində 19 may 2026-cı il tarixində Təhsil Tələbə Krediti Fondunun Təhsil müəssisələri ilə iş şöbəsinin böyük mütəxəssisi İlkanə Əhmədli tələbələrlə görüş keçirib.

Görüş zamanı İlkanə Əhmədli təhsil kreditinin növləri, müraciət qaydaları, sənədləşməyə qoyulan tələblər, geri ödəniş prinsipləri, elektron informasiya sistemi və tələbələr üçün yaradılan əlavə imkanlar barədə geniş və ətraflı məlumat verib, sistemin təhsilə əlçatanlığın artırılmasına verdiyi töhfələri xüsusi vurğulayıb. Sonda tələbələrin ünvanladıqları suallar cavablandırılıb.