Mingəçevir Turizm Kollecində 10 mart 2026-cı il tarixində “Yeniyetmələr arasında erkən nikahın və qohumlar arasında nikahın mənfi nəticələrinə dair məlumatlılıq səviyyəsinin artırılması” və “Yetkinlik yaşına çatmayanlar və gənclər arasında narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın qarşısının alınması, sağlam həyat tərzinin təşviqi və asudə vaxtlarının səmərəli təşkili” mövzularında profilaktik-maarifləndirici tədbir təşkil olunub.

Tədbirin əsas məqsədi gənclərin hüquqi və tibbi biliklərinin artırılması, onları zərərli vərdişlərdən uzaq tutmaq, sağlam həyat tərzinə təşviq etmək və asudə vaxtlarının səmərəli təşkilinin vacibliyini diqqətə çatdırmaq olub. Tədbirdə Mingəçevir Şəhər Mərkəzi Xəstəxanası – Ailə Sağlamlıq Mərkəzinin sahə həkimləri, kollecin baş hüquqşünası, tibb qardaşı və psixoloqu iştirak edərək mövzu ətrafında geniş məlumat veriblər.

Çıxışlarda erkən nikahın və qohumlararası nikahın insan sağlamlığına və cəmiyyətə təsirləri, narkotik vasitələrin insan orqanizminə və sosial mühitə vurduğu zərərlər, eləcə də gənclər arasında sağlam düşüncə tərzinin və məsuliyyətli davranışın formalaşdırılmasının əhəmiyyəti xüsusi vurğulanıb.Tədbirin sonunda tələbələri maraqlandıran suallar cavablandırılıb, mövzu ilə bağlı tövsiyələr verilib və maarifləndirici videoçarx nümayiş etdirilib.