Mingəçevir Turizm Kollecinin “Turizm” fənn birləşmə komissiyasının müəllimi Kənan Abbasov “Turist davranışı və psixologiyası” fənnindən Emosiya anlayışı və onun turizmdə əhəmiyyəti mövzusunda, TİT-5 qrupu ilə açıq dərsi həyata keçirilib. 

Açıq dərs zamanı  etiraz etmə, problem qoyma və problem həll etmə metodlarından, həmçinin sosiologiyada mövcud olan  behaviorizm və ekzistensializm cəryanlarına əsaslanaraq qarşılıqlı müzakirələr aparılıb.  Daha sonra tələbələr yerli və xarici turistlər üçün tur təşkil edərkən turistlərlə hansı emosional  bağların qurulmasının vacibliyi, eləcə də müasir dövrdə  firmaların marketinq strategiyalarında, reklamlarında və satış kanallarında istifadə etdikləri emosional yanaşmalar barədə fikir mübadiləsi aparıblar. Bu mövzular gündəlik həyatdan nümunələrlə əsaslandırılmağa çalışılıb.  Sonda mövzuyla bağlı olaraq qrup işləri təşkil edilib və hər bir qrup bir problem üzrə yeni həll yolları təqdim edib.