Mingəçevir Turizm Kollecinin “Turizm” fənn birləşmə komisiyyasının müəllimi Rəşad Hüseynzadənin “Azərbaycan coğrafiyası” fənnindən “Ölkə təsərrüfatının ümumi səciyyəsi, müxtəlif sənaye sahələri” mövzusunda TB-8 qrupu ilə açıq dərsi həyata keçirilib.

Açıq dərsdə ilk öncə Azərbaycanın sənaye sahələri və dövlətin bu sahələrə olan diqqət və qayğısının nəticəsi olaraq əldə olunan inkişaf tempi və statistik göstəricilər haqqında videoçarx nümayiş etdirilib.Daha sonra əvvəlki mövzularla bağlı keçirilən çarpaz və frontal sorğu nəticəsində fənlə bağlı məlumatları daha da möhkəmləndirilib. Dərs interaktiv metodla təşkil edilib.Tələbələr müəyyən qruplara bölünüb və hər qrup Azərbaycanın müxtəlif sənaye sahələri haqqında təqdimatlar hazırlayıblar. Təqdimatlarla bağlı təhlillər aparılıb və səhvlər aşkarlanıb. Yekunda qruplar tərəfindən bir-birlərini qiymətləndirmə həyata keçirilib.