Mingəçevir Turizm Kollecinin fəaliyyəti və mövcud ixtisasların tanıtımı məqsədilə yaradılmış “Təbliğat qrupu”nun növbəti görüşləri 18 aprel 2025-ci il tarixində Şəki şəhəri 10 saylı tam orta məktəbdə, Böyük Dəhnə 1saylı kənd məktəbində və Yevlax rayonu “Xaldan kompleks kənd məktəbi”ndə təşkil olunub. “Təbliğat qrupu” Mingəçevir Turizm Kollecinə qəbul qaydaları, ixtisaslar, müasir əmək bazarı üçün bacarıqlı və savadlı, müasir dövrün tələbləri ilə ayaqlaşan kadrların yetişdirilməsi məqsədilə keyfiyyətli tədrisin təşkili istiqamətində həyata keçirilən tədbirlər (keyfiyyət siyasəti), uğurlu məzunlar, həmçinin əldə olunan nailiyyətlər haqqında təqdimat verib.Təqdimat həm məktəblilərin, həm də görüş iştirakçılarının marağına səbəb olub. Sonda iştirakçıların sualları cavablandırılıb.

Mingəçevir Turizm Kollecinin kollektivi olaraq yüksək səviyyədə görüşün təşkilinə və göstərdikləri diqqətə görə Yevlax Təhsil Şöbəsinin əməkdaşı Abay Kərimova, Şəki Təhsil sektorunun əməkdaşı Məmməd Qədirova, Şəki şəhər 10 saylı tam orta məktəbin direktoru Filyar İbrahimova və Dəhnə 1saylı kənd məktəbinin direktoru Elçin Cavadova təşəkkürümüzü bildiririk.