Mingəçevir Turizm Kollecinin “Ümumi təhsil fənn birləşmə komissiyası”nın müəllimi Məleykə Vəliməmmədovanın “Azərbaycan tarixi” fənnindən Azərbaycanın sosial-iqtisadi inkişaf xüsusiyyətləri, Səfəvilər dövründə mədəniyyət mövzusunda TİT-11 qrupu ilə açıq dərsi keçirilib. Açıq dərs zamanı tələbələr mövzu ilə bağlı videoçarxa baxıb, əvvəlki dərsləri qısa şəkildə xatırlayaraq müzakirə ediblər. Daha sonra komandalara bölünən tələbələr XI-XVII əsr Azərbaycanına dair mülkiyyət formaları, vergilər və onların toplanma üsulları, şəhərlər, maddi mədəniyyət nümunələri və tarixi obyektlər haqqında apardıqları tədqiqatları auditoriyaya təqdim ediblər. Sonda müəllimənin verdiyi suallar tələbələr tərəfindən cavablandırılıb və ev tapşırığı təqdim edilib.