Mingəçevir Turizm Kollecinin “Ümumi təhsil fənn birləşmə komissiyası”nın müəllimi  Aynur Məhərrəmovanın “Azərbaycan tarixi” fənnindən Azərbaycan Xalq Cümhuriyyəti  mövzusunda TİT-12 qrupu ilə açıq dərsi həyata keçirilib. 

Təşkil edilən açıq dərsdə beyin həmləsi metodu əsasında, komandalara bölünmüş tələbələrin iştirakı ilə Azərbaycan Xalq Cümhuriyyətinin yaranması, onun daxili və xarici siyasəti barəsində geniş məlumatlar verilib. Tələbələr üçün təşkil edilən açıq dərs zamanı Azərbaycan Xalq Cümhuriyyəti ilə müasir Azərbaycan Respublikasının  qəbul etdiyi qanunlar arasında oxşar və fərqli cəhətlər müzakirə edilib. Açıq dərsin sonunda isə komandalar üzrə qiymətləndirmə həyata keçirilib.