Mingəçevir Turizm Kollecinin kollektivi 12 aprel 2025-ci il tarixində kollecin şəhid tələbəsi Fuad Şöhrət oğlu Xankişiyevin yaradıcılığına həsr edilmiş “Əllərin sehri” adlı sərgidə iştirak edib. Mingəçevir Dövlət Rəsm Qalereyasında təşkil edilmiş sərginin açılışında çıxış edən Mingəçevir Turizm Kollecinin direktoru Kamal Əhmədov bildirib ki, Fuad Xankişiyev Mingəçevir Turizm Kollecində 2011-2014-cü illərdə “Bədən tərbiyəsi və İdman ” ixtisası üzrə təhsil alıb. Kamal Əhmədov Fuad Xankişiyevin yaxşı idmançı olmaqla yanaşı həmçinin, müəllimlərin yaddaşında intizamlı, cəsarətli və vətənpərvər bir gənc kimi qaldığını xüsusi vurğulayıb. Daha sonra sərgiyə baxış keçirilib. Sonda Şəhidimizin anası Saqibət Xankişiyeva ilə xatirə şəkli çəkilib.

Mingəçevir Turizm Kollecinin kollektivi olaraq Allahdan bütün Şəhidlərimizə rəhmət, qazilərimizə can sağlığı diləyirik.