Mingəçevir Turizm Kollecinin Futbol üzrə komandası Azərbaycan Respublikası Elm və Təhsil Nazirliyinin, Azərbaycan Futbol Federasiyası, Azərbaycan Tələbə Futbol Federasiyası İctimai Birliyinin dəstəyi ilə həyata keçirilən “Naxçıvan Muxtar Respublikanın 100 illiyinə həsr edilmiş tələblər arasında futzal üzrə turnir” də iştirak edib. Qrup lideri kimi PLAY – OFF mərhələsinə vəsiqə qazanan komanda keçirdiyi görüşlərdə böyük hesabla qələbə qazanaraq finala çıxıb. Final oyunundan əvvəl komanda üzvləri Azərbaycanın bütövlüyü və suverenliyi uğrunda canlarından keçmiş şəhidlərimizin əziz xatirəsini yad etmək üçün Bakı şəhər Şəhidlər xiyabanını ziyarət ediblər.

Finalda Mingəçevir Turizm Kolleci Naxçıvan Dövlət Universitetinin futbol komandası ilə qarşılaşıb. Final görüşü çətin mübarizə şəraitində keçib.

Ümumilikdə 19 Ali və orta ixtisas təhsil müəssisələrnin komandalarının iştirak etdiyi turnirdə Mingəçevir Turizm Kollecinin komandası II yer tutaraq “Gümüş” medalla mükafatlanıb.

Mingəçevir Turizm Kollecinin tələbəsi Məhərrəmov Elxan Mahir oğlu turnirin “Ən yaxşı müdafiəçisi nominasiyası” nın qalibi olub.