Mingəçevir Turizm Kollecinin fəaliyyəti və mövcud ixtisasların tanıtımı məqsədilə yaradılmış “Təbliğat qrupu”nun növbəti görüşü 24 aprel 2025-ci il tarixində Qəbələ şəhərində təşkil olunub. Kollecin inkişaf yolu- yaranma tarixi, tədrisin yüksək səviyyədə təşkili, müxtəlif bilik yarışlarında, müsabiqələrdə, idman yarışlarında əldə olunan nəticələr və uğurlu məzunlar haqqında təqdimat görüş iştirakçılarında böyük maraq yaradıb. Məktəblilərin sualları cavablandırılıb.

Mingəçevir Turizm Kollecinin kollektivi olaraq yüksək səviyyədə görüşün təşkilinə görə Qəbələ şəhər Təhsil sektorunun direktoru Arifə Bayramovaya, Qəbələ şəhər 4 saylı tam orta məktəbin direktoru Məhəbbət Əliyevaya, Qəbələ şəhər Vəndam qəsəbəsi 1 saylı tam orta məktəbin direktoru Mədinə Qasımovaya təşəkkürümüzü bildiririk.