Mingəçevir Turizm Kollecinin “Aqroturizm” və “Turizm bələdçiliyi” ixtisasları üzrə buraxılış kurs tələbələri istehsalat təcrübəsini “BioGarden” aqroturizm təsərrüfatında davam etdirirlər. Təcrübə çərçivəsində kollecin direktoru Kamal Əhmədov, təcrübə rəhbəri Canpolad Həmidov və təsərrüfat sahibi Etibar Nuriyev tələbələrlə görüş keçiriblər. Görüş əsnasında tələbələr BioGarden aqroturizm təsərrüfat mərkəzində qazandıqları bələdçilik bacarıqlarını nümayiş etdirmək məqsədi ilə təcrübə müəssisəsinə kiçik ekskursiya təşkil ediblər. Həmçinin, aqroturizm müəssisəsində təcrübə keçən tələbələrin təcrübə müdafiəsinə hazırlıqları vəziyyəti müzakirə edilib.