Mingəçevir Turizm Kollecində turizm sektorunun müasir tələblərinə cavab verən mütəxəssislərin hazırlanması qarşıya qoyulmuş əsas məqsədlərdəndir. Bu istiqamətdə tələbələrin bilik və bacarıqlarının inkişaf etdirilməsi üçün kollecdə tələbələr üçün “Ustad dərslər” in keçirilməsinə start verilib. Ağsaray Deluxe Hotelin direktoru Kənan Hənifəyev keçdiyi “Ustad dərs” də turizm sahəsində istifadə olunan əsas anlayışlar, vacib olan bilik və bacarıqlar barədə ətraflı məlumat verib. Daha sonra qrup işləri keçirərək tələbələrin mövzunu daha yaxşı mənimsəməsinə nail olub.Ustad dərsi tələbələr tərəfindən böyük maraqla qarşılanıb.