Mingəçevir Turizm Kollecində imtahan sessiyası uğurla davam edir!

Mingəçevir Turizm Kollecində imtahan sessiyası uğurla davam edir!
Mingəçevir Turizm Kollecində 1 iyun 2022-ci il tarixindən etibarən başlayan yaz semestrinin imtahanları uğurla davam edir. Kollecdə 2021/2022-ci tədris ilinə aid bütün semestr imtahanları əyani formada yazılı şəkildə təşkil olunur. İyunun 1-dən 13-ə qədər semestr imtahanlarında 33 qrup üzrə ümumilikdə 101 imtahan təşkil olunub. Azərbaycan Respublikası Təhsil Nazirinin müvafiq əmrinin tələblərinə uyğun olaraq təşkil olunan sessiya ərzində “İmtahan Qərargahı”, “Apellyasiya Komissiyası”, “Qaynar xətt”-in (telefon və e-mail vasitəsilə) fəaliyyəti təmin olunub. Tələbələr tərəfindən Apellyasiya Komissiyasına müraciət daxil olmayıb, imtahan prosesinin obyektiv və şəffaf təşkili və keçirilməsinə nəzarət, həmçinin yarana biləcək neqativ halların operativ aradan qaldırılması prosesini İmtahan Qərargahı uğurla davam etdirir.
Kollecdə 8 iyun 2022-ci il tarixindən etibarən başlayan dövlət imtahanları isə əyani formada biletlə şifahi şəkildə həyata keçirilir. Tələbələrin biliklərinin qiymətləndirilməsi kollecin direktorunun 31.03.2022-ci il tarixli 36№li əmrinə əsasən yaradılmış dövlət imtahan komissiyası tərəfindən həyata keçirilir. Bugünə qədər dövlət imtahanlarında 13 qrup üzrə ümumilikdə 19 imtahan həyata keçirilib.
Kollecdə 2021/2022-ci tədris ilinin yaz imtahan sessiyası cari ilin iyul ayının 1-ə, dövlət imtahan sessiyası isə iyul ayının 7-ə qədər davam edəcək.