Mingəçevir Turizm Kollecində Azərbaycan Respublikası Prezidentinin sərəncamına uyğun olaraq “Yaşıl dünya naminə həmrəylik ili” ilə əlaqədar “Tədbirlər planı ” çərçivəsində xüsusi dərs təşkil olunub. Xüsusi dərsdə Azərbaycanın 2030-cu ilə qədər sosial – iqtisadi inkişafa dair beş milli prioritetdən biri “Təmiz ətraf mühit və yaşıl artım ölkəsi” kimi müəyyən edilməsi, həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində aparılan işlər haqqında tələbələrə ətraflı məlumat verilib. Ekoloji tarazlığın qorunması və təbiətə antropogen təsirlərin qarşısının alınması mövzusunda tələbələrlə maarifləndirici söhbətlər aparılıb. Tələbələrin əl işləri nümayiş etdirilib. Kollecin daxilində və həyətyanı sahədə təmizlik və abadlığı təmin edən və yaşıllıqlara qulluq göstərən işçilərin əməyinə hörmətin vurğulanması məqsədilə kollecin təsərrüfat işçilərinə gül dəstələri hədiyyə edilib. Xüsusi dərs tələbələr tərəfindən maraqla qarşılanıb.