Mingəçevir Turizm Kollecində 7 Mart 2025-ci il tarixində “Zərərli vərdişlər və aludəçilik” mövzusunda maarifləndirici təlim keçirilib.Təlimdə kollecin biologiya müəllimi Günel Əmirova zərərli vərdişlərin orqanizmin bioloji funksiyalarına ciddi təsirləri və bu vərdişlərin yaratdığı uzun müddətli sağlamlıq problemləri haqqında geniş məlumat verib. Günel Əmirovanın təqdimatı tələbələrlə qarşılıqlı fikir mübadiləsi şəklində aparılıb. Diskussiya zamanı təlimlə bağlı sloqanlar verilib: #Zərərli vərdişlərə yox deyək# Sağlam gənc sağlam gələcək # Yaxşı həyat yaxşı vərdişlərlə başlayır #Özünü zəhərləmə həyatını dəyiş#
Təlimin gedişatında Kollecin tibb qardaşı Nazim Allahverdiyev zərərli vərdişlərin nəticəsində yaranan xəstəliklər haqqında maarifləndirici çıxış edib.
Daha sonra kollecin psixoloqu Tamara Uğurluyevanın tələbələrlə zərərli vərdişlərin psixoloji təsirləri haqqında apardığı müzakirələr nəticəsində, onların stress və əsəbə səbəb olduğu qənaətinə gəlinmişdir. Müzakirədən sonra tələbələrə bu mövzu ilə bağlı təqdimat verilib və təlimin nəticəsi olaraq, zərərli vərdişlərin insanlarda stress, həyəcan yaratdığı, eləcə də mövcud psixoloji xəstəlikləri daha da qıcıqlandırdığı öyrədilib.