Mingəçevir Turizm Kollecində 7 aprel 2025-ci il tarixində “Turizmdə sahibkarlıq” mövzusunda praktiki təlim keçirilib. Təlimçi Samir Zamanov iştirakçılara sahibkarlıq anlayışı, sahibkarlığın növləri, biznes ideyalarının mənbələri, turizmdə sahibkarlıq ideyaları haqqında geniş və ətraflı məlumat verib. Turizm agentliyi, otel və restoran biznesi üzrə “case study”lər işlənib. Təlim zamanı iştirakçılar öz biznes ideyalarını hazırlayıblar. Tələbələr biznes ideyalarını hazırlayarkən SWOT analiz apararaq öz ideyalarının güclü və zəif tərəflərini, imkanlar və təhlükələri, xidmətlərinin keyfiyyətini və təqdim olunma xüsusiyyətlərini təhlil ediblər. Hazırlanmış biznes ideyalarının təqdimatını edən iştirakçılar ideyaların reallaşması üçün lazım olan ilkin sərmayəni müəyyənləşdiriblər.

Sonda təlimçi iştirakçıların suallarını cavablandırıb.